ما بقى عيد
ولا مولود جديد
ولا حكايات قديمة
ولا بقي شي
غير الآه
والكل تعبان وانهار
الوطن صار غريب
والياسمين مات بالحاكورة
والعنب والتين
ماضل شي اسمه عيد
لانو ماضل عنا ولاد صغار
الكل كبر
وماتت أشعار نزار
والحب هرب من الموت
شو ضل فينا
غير نصرخ ونقول الاه
على وطن غريب
سكنو الاغراب
ودمروا البيوت
وماضل دار يعرف دار
ولا شارع فيه وردة
ولا بقى ريحة القهوة
معبية الدار
آه آه
زكرتنا بالوجع
والعيد وولادنا
والجرح
يلي ما رح ينكتب
ولا سطور بتحكي شو صار


ساهم معنا في نشر الموضوع