شندوتش برجر الفراخ الكبير ????❤️❤️
او تشكين برجر كبيرررر ????
الطريقه :
"مقادير العيش :
1 كيلو دقيق
2 معلقه كبيره خميره
1/2 كوب لبن بودر
1/4 كوب زيت
مايه دافيه للعجن
1 معلقه كبيرة سكر
1 معلقه صغيره ملح

تعجني كله ده مع بعض وتسيبيها تخمر اول ما تخمر تحطيها ف صنيه مدهونه زيت وتضغطي عليها تفرديها فالصنيه دي وبعدين تغطيها وتسيبيها تخمر تاني اول ما تخمر تدهنيها بالبيض من فوق وترشي السمسم وتحطيها عل درجه حراره 200 اول ما يستوي الرغيف تطلعيها وتغطيها بفوطه عشان مينشفش
نيجي بقى لبرجر الفراخ :
انا عملته بطريقه بسيطه وطلع تحفه ????????????*♀️
"مقادير البرجر :
ربع بانيه
2 بصله متوسطه
بهارات : كسبره ناشفه.. بابريكا.. فلفل اسود.. بهرات فراخ.. ملح.
.. كاتشب
2 معلقه كبيره زيت
بتخلطي فالكبه البصل وتطلعيه وتصفي المايه بتاعته وترجعي البصل فالكبه تاني وتحطي الفراخ وتفرميهم فالكبه مع بعض
وبعدين تطلعيها وتضيفي البهرات والكاتشب وتقلبيهم وتكونيها زي واحده البرجر الكبيره وتحطيها ف زيت سخن ف الطاسه
اول ما تستوي بتشيليها عادي
بتكوني مجهزه السندوتش اللي عملناه وتكوني فتحاه بالنص ودهناه مايونيز ومسطرده وكاتشب وتحطي البرجر والجبنه الموتزريلا وشرايح البصل والفلفل الرومي وبس كدا بالهنا ????❤️

تعديل بسيط بس : 1 : انا عملت برجر الفراخ وكان تحفه بجد تمام ولو حضرتك حابه برجر اللحمه عادي اعمليه وهيبقى حلو اكيد .. 2 : مقاس الصنيه وسط .. 3 : البرجر مكنش صغير قعدت افرده ف الطاسه بالمعلقه والطاسه كانت كبيره تمام .. الجبنه الموتزريلا تكوني مطلاعاها من بدري متكنش مجمده تكون عاديه عشان بمجرد ما تحطيها عالبرجر وهو سخن وتغطيه بتسيح تمام كدا ????
اي سؤال هرد عليه
توضيح بسيط انا طريقه البرجر من دماغي ومحطتش بقسماط فيه ولا بيض عملته بحاجات بسيطه وطلع حلو الحمدلله
العيش بردو زي طريقه العيش الفينو تمام مش اخدتها من حد ????
لان ولا حطيت زبادي ولا بيكنج بودر هي مكونات بسيطه وعملت رغيف كبير .. الرغيف دا يكفي 8 افراد .


ساهم معنا في نشر الموضوع