النتائج 1 إلى 3 من 3

الموضوع: خريطة العالم

  1. #1
    كاتب جديد

    تاريخ التسجيل
    Oct 2019
    المشاركات
    10

    خريطة العالم

    خريطة العالم
    ************
    الخريطة ..
    مش خطوط .. ممدوده ع الحيطة ..
    بألوانها البسيطة
    اللى أزرق .. و اللى أصفر .. و الى أخضر
    الخريطة .. هى عالم م الخلايق ..
    خالقه خالق ..
    بالمحبة .. لجل يتعمر و يكبر
    بس بالجور .. أفسدوه
    دخلوه .. صالة قمار
    لعبة ... لكن .. للكبار
    غطوا بيه كل الحيطان
    و الرهان .. كان من نصيبنا
    يلعبوا على منطقتنا

    يرسمونا .. يقَسمونا .. يشكلونا من جديد
    يسرقونا .. يهبشونا .. يكلبشونا بالحديد
    و احنا عالم .. موجوعين
    غرقونا فى الهموم من سنين
    غرسوا شوكة و سمموها ف ضهرنا
    أثرت على كل حتة فى جسمنا
    أثرت على الأخوة .. فى دمنا
    كل واحد مننا .. بقى حالته حالة
    اللى رافض أنه ينتج ..
    و اللى قابل يبقى عالة
    و اللى كان عايش لنفسه ..
    اصطادوه
    و اللى كان الأقوى فينا ..
    خافوا منه .. و عذبوه
    قطعوه .. قدام عنينا
    و اما كان الدور علينا ..
    لعبوا .. ع النية البريئة

    كانت الأحوال رديئة و الشباب متعذبين
    اللى قاسى الذل .. م الناس الأكابر
    و اللى عايش و يا أهله فى المقابر
    و اللى حاصل ع الشهادة .. بس عاطل
    و اللى مش عارف يخطى بالكفاءة
    بس شايف غيره طاير .. بالحدائة
    واللى قرر انه يرحل وللا يقبل ى حاجة
    واللى عازم انه لازم يوم يغير كل حاجة

    ثورة كانت فى الصدور
    و القلوب جوانا جمرة
    قاموا دقوا ع الطبول
    و استفادوا من غضبنا فى المؤامرة

    أخدوا حبة من ولادنا .. دربوهم
    ع المواقع .. أطلقوهم
    و الجماعة الإخوانية .. مولوهم
    و العقول الإرهابية .. سلحوهم
    عشموهم .. بالإمارة الإسلامية

    و الضحايا ..
    والضحايا من شعوبنا العاطفية ..
    انضموا ليهم
    فكروا الجنة و نعيمها .. بين ايديهم
    و اما شافوا النار بتحرق .. كل حاجة ..
    حلوة فيهم
    ندموا على كل اللى فات
    وقفوا خلف جيوشهم الصامدة ..
    و طلبوا المعجزات

    و الخريطة
    مشخطوط ممدودة ع الحيطة
    بألوانها البسيطة
    اللى أزرق .. و اللى أصفر .. و اللى أخضر
    ضافوا ليها لون جديد .. بالدم أحمر
    لعبوا على كل الكروت
    فكرونا خلاص هنيأس أو نموت
    أحنا أصحاب الحضارة الإنسانية ..
    و الرسالة الربانية .. و التاريخ .. لازم نقوم
    حتى و ان لفوا حوالينا .. حزام ملغوم
    لسه لون البحر فوقنا .. و ع اليمين
    و اللى راهنوا اليوم عليه ..
    صعب و مهين

    كل دين راح يدفعوه
    واللى لازم يعرفوه
    ان آخر كارت .. جايز يلعبوه
    كل اللى كسبوه .. فى لحظة يخسروه
    أصل الخريطة
    مش خطوط ممدودة ع الحيطة ..
    بألوانها البسيطة
    الخريطة .. ليها واحد
    خالق الأكوان و شاهد
    ع اللى خلقه بيعملوه
    ع اللى خلقه بيعملوه
    ***
    إيمان معاذ


    ساهم معنا في نشر الموضوع


  2. #2
    كاتب ماسي
    الصورة الرمزية محمد الدباسي
    تاريخ التسجيل
    Sep 2019
    الدولة
    اليمن
    دولة الإقامة
    جدة
    رقم العضوية
    3863
    المشاركات
    642
    وجدت الخريطة لتقتلنا .. لتضعفنا ..
    فرق تسد ..كلمات رائعة أستاذة إيمان بوركتي


    مع حبي ..

    محمد الدباسي
    رئيس ثلاثة وعشرون للتطوير
    رئيس التطوير في اتحاد الكتاب و المثقفين العرب

  3. #3
    كاتب ماسي
    الصورة الرمزية صيته الدوسري
    تاريخ التسجيل
    Oct 2019
    الدولة
    السعودية
    رقم العضوية
    3879
    المشاركات
    472
    قصيدة رائعة زميلتي الأستاذة إيمان


    نائبة رئيس ثلاثة وعشرون للتطوير
    مشرفة تطويرية و مشرفة النشرة في اتحاد الكتاب و المثقفين العرب

    سأترك أثرا .. سأخلد ذاتي

  4. 11aa

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •